Rakibolana sy Rakipahalalana malagasy : adijady

|
|
|
|

Teny iditra (1/3)

1 adijady

Sokajin-teny

2 anarana

Fanazavàna teny malagasy

3laharana fahafolo amin' ny volana malagasy.
4Ny anarany dia nalaina avy amin' ny anaran' ny antokon-kintana izay ataon' ny Arabo hoe El-djadi (Chevreau).
5Ny Adijady dia reni-vintana mitrotro ny Adalo sy mibaby ny Alakaosy.
6Eo anjorom-baravarankely (avaratra-andrefana) no filaharany.
7Ny zaza teraka amin' ny vava-Adijady, hono, dia jadijadina, izany hoe, sady vitsy teny no jinijinina; nefa kosa izay teraka amin' ny vontony sy ny vodiny dia heverina ho tsara vintana ihany.
8Ny Adijady dia andro mafy, tena mijadona tokoa; ka ny zavatra tian-ko mafy sy mateza indrindra no isantarana amin' izany.
9Io no tonon' andro tsara ho fampidiram-pananana, na andevo hovidiana, na biby hopiana, na vary hatao an-davaka, na vola hotehirizina an-kitapo.
10Io koa no tonom-bintana fangalana vohitra sy fanorenan-trano.
11Ny Adijady koa no heverina ho andro tsara hampakaram-bady, fa savihin' ny andro mafy ka tsy ho afaka hisara-belona: "Lamban' akoho" ny fanambadiana atao Adijady, "ka faty no isarahana." Ny Asorotany no tonom-bintana mifandratra amin' ny Adijady, fa samy henjana ireo, ka tsy mahay miaraka; koa dia ny mitanila eo amin' ny Alahatsy sy ny Adizaoza no iarenany sy iandrianany.
12Ny ranon' erika dia atao ho Adijady, fa mahamerika andro ny Adijady, ka be vaky siny ny mpantsaka, misy mirodona ny tokotany.
13Miantomboka mitomany ny tompon' ireo, ary mitohy amin' ny Adalo be ranomaso izany.. [1.10]
14

10 Adijady (reni-vintana) Capricornus Zanakosy

9 Alakaosy (zana-bintana) Sagittarus Mpitifitra

8 Alakarabo (zana-bintana) Scorpio Maingoka

7 Adimizana (reni-vintana) Libra Mizana

11 Adalo (zana-bintana) Aquarius Mihilana

12 Alohotsy (zana-bintana) Pisces Hazandrano

AVARATRA
A N D R E F A N A		A T S I N A N A N A
ATSIMO

6 Asombola (zana-bintana) Spica Virgo Saholim-bary

5 Alahasaty (zana-bintana) Leo Liona

1 Alahamady (reni-vintana) Aries Ondrilahy

2 Adaoro (zana-bintana) Taurus Ombilahy

3 Adizaoza (zana-bintana) Gemini Kambana

4 Asorotany (reni-vintana) Cancer Foza

. [3.1]
15Anaran' ny volana fahafolo amin' ny filaharan' ny volana malagasy merina, aorian' ny Alakaosy ary alohan' ny Adalo, ka ny toerana nomen' ny Ntaolo azy ao antrano dia eo amin' ny zorony avaratra andrefana (zorom-baravarankely).
16Ny Adijady dia andro mafy, tena mijadina mafy, ka ny zavatra tian-ko mafy sy mateza indrindra no isantarana amin' io.
17Fanandroana: vavany: alam-bintana fandrao dia mijadina loatra ka tsy miteny; vontony: tsara ihany; vodiny: tsara ihany. [1.1]

Fanazavàna teny anglisy

18The name of the tenth month in the Malagasy year.
19[Ar.
20Al-dschadiu - Capricorns.]. [1.2]

Fanazavàna teny frantsay

21Nom de la dixième lune et du dixième mois de l'année malgache. [1.3]

Ohatra

22 ny adijady amin' ny andrefana-avaratra, an-jorom-barava-ran-kely. [2.296#]
23 fa nony Asabotsy 28 Janoary, 11 adijady dia namely mafy ny rivotra; [2.59]

Voambolana

24 Fotoana 25 Finoana

Renianarana

26 volana

Anarana iray reny